(ភ្នំពេញ)៖ មនុស្សចំនួន ៩៣៨នាក់ ត្រូវបានរកឃើញថាមានវិជ្ជមានវីរុសកូវីដ-១៩ ឯអ្នកជំងឺចំនួន ៣៦១នាក់ទៀតបានជាសះស្បើយនិងអនុញ្ញាតឲ្យចេញពីមន្ទីរពេទ្យនៅថ្ងៃនេះ បន្ទាប់ពីបានធ្វើតេស្តឃើញអវិជ្ជមាន ចំនួន២លើក ប៉ុន្តែត្រូវបន្តធ្វើចត្តាឡីស័ក១៤ថ្ងៃ ដើម្បីតាមដានសុខភាព។ នេះបើតាមសេចក្តីប្រកាសព័ត៌មានក្រសួងសុខាភិបាល នៅព្រឹកថ្ងៃទី៤ ខែឧសភា ឆ្នាំ២០២១។ 

មនុស្សនៅក្នុងរាជធានីភ្នំពេញចំនួន ៦០៨នាក់ត្រូវបានរកឃើញថាមានវិជ្ជមានវីរុសកូវីដ១៩ ស្របពេលដែលមនុស្សរស់ក្នុងខេត្តកណ្ដាល ១៧៥នាក់, ខេត្តព្រះសីហនុ ៧៧នាក់, ខេត្តបន្ទាយមានជ័យ ៥១នាក់,  ខេត្តកំពង់ស្ពឺ ១៤នាក់, ខេត្តតាកែវ ៤នាក់, ខេត្តកំពង់ចាម ៣នាក់, ខេត្តត្បូងឃ្មុំ ២នាក់, ខេត្តពោធិ៍សាត់ ១នាក់, ខេត្តស្វាយរៀង ១នាក់, ខេត្តបាត់ដំបង ១នាក់, និងខេត្តសៀមរាប ១នាក់ក៏ត្រូវបានរកឃើញថាមានវិជ្ជមានវីរុសកូវីដ១៩ផងដែរ។